Teater en musiek vir almal by Suidoosterfees!

Die tyd kom al hoe nader! Die 15de Suidoosterfees – met die tema Fantastiese 15 –  vind van 26 April tot 1 Mei in Kaapstad plaas en beloof om weer een vir die boeke te wees.

kykNET Hip Pops is ’n produksie waar alternatiewe vorms van musiek op ’n unieke wyse vermeng word. Kaapstad is lank reeds bekend vir haar sosiaal bewuste benadering tot hip-hop. Daar is die afgelope tyd ’n aantal jong kunstenaars wat ’n meer lighartige benadering tot lirieke en ritme volg. En nou, vir die heel eerste keer in die musiekgeskiedenis, word hierdie kletstymers met klassieke musiek gekombineer. Hierdie is ’n eenmalige musiekkonsert, eie in sy soort en gaan Suid-Afrika aan die gons hê.

Kunstreffers: Konsert van Hoop is ’n musiek- en dansskouspel, aangebied in samewerking met Artscape. Die program is gevul met optredes deur kunstenaars soos Laurika Rauch en die Libertaskoor, asook die wenners van die Suidoosterfees Talentsoektog 2017: The Unknown Dansgroep, Vusumuzi Mpofu (digter) en Anja van den Berg (sangeres). Robin Peters van The Voice-faam sing bekende treffers soos Bruno Mars se Versace on the Floor en die operasangers, Janel Speelman en Xolane Marman sing bekende klassieke werke. Hierdie is ’n geleentheid vir jonk en oud, waar die sterre van môre, die verhoog met die lewende legendes van vandag deel.

Suidoosterfees spog verder met die produksie, Sai & Katallies. In ons soeke na ontsnaproetes uit ons “tronke”, vergeet ons soms die sleutel van die sel in ons broeksak. Sai en Katallies se Long Walk to Freedom wys daarop dat al stap jy fisies agter vryheid aan, al vlug jy landuit, sal jy nooit vrykom van bitterheid as jy nie vergewe nie. Klaas glo dat hy vry sal wees as hy Nelson Mandela se stem slegs eenmaal kan hoor.

Nog ’n gehalte musiekproduksie by vanjaar se Suidoosterfees is Karoo Swing Innie Kaap. Emo Adams, Bobby van Jaarsveld en Katlego Maboe deel die verhoog in hierdie konsert waar Afrikaanse musiek afgestof word. Hierdie kunstenaars stel hul gedeelde liefde vir “big band swing” ten toon. Hierdie nostalgiese reis is vir elkeen wat lus voel om te jol.

Die Suidoosterfees-span wens vir ieder en elk ’n voorspoedige Werkersdag toe en hoop dat elke feesganger die dag sal geniet.

Bly op hoogte van die jongste Suidoosterfees-nuus op Facebook (@Suidoosterfees), Twitter (@Suidoosterfees), Instagram (@suidoosterfees2018) en besoek www.suidoosterfees.co.za.

Vir meer inligting, kontak gerus vir Lyndsay Cader (Lyndsay.Cader@media24.com / 021 408 3560 / 084 282 2040).

0 Comments

Leave a reply

Your email address will not be published. Required fields are marked *

*

©2018. Digitale projekbestuur deur Lightspeed Digital Media.

Log in with your credentials

Forgot your details?